AZ 
EN 
Elmi Fəaliyyət
Elmi fəaliyyət MAA-nın əsas fəaliyyət istiqamətlərindən biridir və müasir tələblər səviyyəsində mütəxəssislərin, elmi və elmi-pedaqoji kadrların hazırlanığını, Akademiyanın təhsil, tədqiqat və innovasiya potensialından vahid bir sistem kimi səmərəli istifadəni təmin etmək məqsədi ilə həyata keçirilir.
TransportTech
“Nəqliyyat Araşdırmaları və Texnologiyaları” Beynəlxalq Jurnalı (Transportation Research and Technology International Journal)
TransportTech – Milli Aviasiya Akademiyasının elektron nəşridir. TransportTech qeyri-kommersiya elmi jurnalidir. TransportTech, dünyada davamlı nəqliyyat barədə maarifləndirmə məqsədini güdən bir elmi jurnaldır. Jurnalın məzmunu, elm və sənayenin etik təsirlərini nəzərə alan ciddi elmi araşdırmalara əsaslanır. Jurnal, əldə edilən nəticələri ictimaiyyətə çatdırmağı hədəfləyir. TransportTech ildə iki dəfə, iyun və dekabr aylarında nəşr olunur. Məqsəd, daha qısa müddətdə beynəlxalq indekslərdə yer alan bir jurnal olmaqdır. Jurnal İngilis dilində nəşr olunur.
Fevral Məruzələri
Azərbaycan Gənclər Günü və Azərbaycanın ilk telekommunikasiya peyki olan “Azerspace-1”in orbitə buraxılması tarixinə həsr olunmuş “Fevral məruzələri: Aerokosmik məsələlərin həllində gənclərin yaradıcı potensialı” beynəlxalq elmi-praktik gənclər konfransı ilk dəfə 2016-ci ildə “Azərbaycan Hava Yolları” QSC (AZAL), Milli Aviasiya Akademiyasında (MAA) keçirilmişdir. Ənənəvi olaraq hər il fevral ayında təşkil olunan bu konfrans gənc alim və tədqiqatçılar üçün beynəlxalq elmi müzakirə platformasına çevrilmişdir. Növbəti konfrans 4-6 fevral 2025-cü il tarixlərində MAA-da keçiriləcəkdi
Elmi Məcmuə
Milli Aviasiya Akademiyasında aparılan elmi işlərin əsas məqsədi müasir aerokosmik elm və texnikasının tələblərinə uyğun mütəxəssislərin, elmi və elmi-pedaqoji kadrların hazırlanmasıdır. Bu, Milli Aviasiya Akademiyasının təhsil, tədqiqat və innovasiya potensialından vahid sistem kimi səmərəli istifadə etməyə imkan verir.
Milli Aviasiya Akademiyasında nəşr olunan “Elmi Məcmuə” jurnalının məqsədi elmi tədqiqatların nəticələri haqqında beynəlxalq səviyyədə məlumat mübadiləsi platformasını təmin etmək və oxucuları elmi işlərin həyata keçirilməsində ən yaxşı təcrübələrlə tanış etməkdi
Akademiyanın elmi fəaliyyətinin əsas vəzifələri bunlardır:
- yeni biliklərin əldə edilməsi, elm və texnikanın ən mühüm istiqamətlərində elmi məktəblərin və aparıcı tədqiqat qruplarının formalaşması və inkişafı;
- elmi-texniki tərəqqinin son nailiyyətləri əsasında təhsil və elmi prosesin vəhdətinin təmin edilməsi və yüksək səviyyəli ixtisaslı mütəxəssislərin və elmi-pedaqoji kadrların hazırlanması;
- ali təhsilin inkişafı üçün elmin bazis, müəyyənedici mahiyyətinin qorunması və möhkəmləndirilməsi;
- yüksək texnologiyalara yönəli elm tutumlu məhsulların və yeni texnika və materialların rəqabət qabiliyyətli nümunələrinin yaradılması;
- Akademiyanın innovativ fəaliyyətinin inkişafı;
- Akademiyanın intellektual mülkiyyətinin və müəllif hüquqlarının qorunması üçün şəraitin yaradılması;
- dünya elm və təhsil sisteminə inteqrasiya üçün xarici ölkələrin təhsil müəssisələri və şirkətləri ilə beynəlxalq elmi-texniki əməkdaşlığın genişləndirilməsi;
- Akademiyada keyfiyyətcə yeni təcrübə və istehsalat bazasının yaradılması;
- büdcədənkənar fondlardan və innovasiya fəaliyyətindən istifadə etməklə tədqiqat və inkişaf üçün maliyyə əsaslarının formalaşdırılması;
- elmin prioritet sahələrində fundamental və tətbiqi elmi tədqiqatların aparılması;
- davamlı təhsili sisteminin formalaşması və inkişafı üçün nəzəri və metodoloji əsasların tədqiqi və inkişafı;
- tədrisdə ən yeni elmi nailiyyətlərdən və texnologiyalardan istifadə;
- elmi tədqiqatların ən əhəmiyyətli nəticələrindən tədris prosesində istifadəyə əsaslanaraq elmi-pedaqoji kadrların hazırlıq keyfiyyətinin artırılması, bakalavrant, magistrant və doktorantların Akademiyada elmi-tədqiqat işinin həyata keçirilməsinə daha fəal cəlb edilməsi;
- aerokosmik sahə və digər fəaliyyət istiqamətləri üzrə yüksək ixtisaslı mütəxəssislərin hazırlanması üçün əsas kimi elmi tədqiqatların inkişafı;
- beynəlxalq elm və təhsil layihələrinə və innovativ tədqiqat proqramlarına giriş;
- müvafiq və praktik olaraq əhəmiyyətli tədqiqat layihələrinin həyata keçirilməsi, keyfiyyətinin və effektivliyinin artırılması;
- elmi, tədris və tədris-metodiki ədəbiyyat, təlimatlar, analitik və digər materialların hazırlanması və nəşri;
- bakalavrant, magistrant və doktorantların elmi problemlərin formalaşdırılması və həlli ilə praktik tanışlığı və ən bacarıqlı tələbələrin elmi tədqiqatların həyata keçirilməsinə cəlb edilməsi;
- Akademiyanın dövlət hədəf proqramlarının, elmi, tədqiqat, innovasiya proqramlarında və müsabiqələrdə, Təhsil Nazirliyi, digər nazirlik və idarələr, Elmin İnkişafı Fondu, eləcə də xarici dövlətlər tərəfindən elan edilmiş qrantlarda fəal iştirakı;
- tətbiqi problemləri birgə həll etmək üçün elmi-tədqiqat təşkilatları və müəssisələri (o cümlədən xarici) ilə elmi əməkdaşlığın inkişafı;
- elmi və tədris proseslərinin əlaqəsinin təmin edilməsi, tələbə elminin dəstəklənməsi və inkişafı;
Qeyd edilən məsələlərin həlli Akademiya tərəfindən fundamental, tətbiqi elmi-tədqiqat, təcrübi-konstruktor, layihə işləri, eləcə də innovasiya fəaliyyəti yolu ilə həyata keçirilir.
Elmi-tədqiqat və innovasiya fəaliyyəti maliyyələşdirilməsi müxtəlif səviyyəli büdcə, həmçinin büdcədənkənar vəsaitlər hesabına həyata keçirilir.
Elmi və innovativ fəaliyyətin maliyyələşdirilməsi üçün büdcədənkənar fondlar aşağıdakılardır
- Akademiya tərəfindən təsərrüfat müqavilələrinə əsasən tədqiqat və işləmələrin həyata keçirilməsi üçün müəssisə, təşkilat və qurumlardan əldə edilən vəsait;
- Azərbaycan Respublikasının Prezidenti yanında Elmin İnkişafı Fondu və digər fondlar;
- beynəlxalq fondlar və təşkilatlar tərəfindən ayrılan xüsusi qrantlar;
- əlavə təhsil xidmətləri vasitəsilə Akademiyanın büdcədənkənar fondları və digər qanuni mənbələr.
Akademiyanın elmi tədqiqat fəaliyyətinə aşağıdakılar cəlb edilir
- fərdi iş planlarına uyğun olaraq professor-müəllim heyəti;
- Akademiyanın elmi, mühəndis-texniki işçiləri, mütəxəssisləri və elmi şöbələrin işçiləri;
- tələbələrin tədris planlarında nəzərdə tutulmuş kurs işləri, buraxılış işləri, digər tədqiqat işləri, MAA-nın Tələbə yaradıcılıq evində və digər tələbə elmi yaradıcılıq laboratoriyalarında, eləcə də kafedralarda, tədqiqat şöbələrində, Akademiya nəzdində Elmi tədqiqat institutunda;
- fərdi iş planlarına uyğun olaraq Akademiyanın magistrantları, doktorantları (dissertantları), tədqiqatçıları, eləcə də şöbələrdə, Elmi tədqiqat institutunda, təhsildən (işdən) kənar vaxtlarda əlavə ödənişlə.
MAA-da Elmi Tədqiqatların əsas istiqamətləri
- Yerüstü komplekslər, buraxılış avadanlıqları, uçan aparatların və onların sistemlərinin istismarı
- Hava nəqliyyatının istismarı
- Bərk cisim elektronikası, radioelektron komponentləri, mikro və nanoelektronika
- Məsafədən aerokosmik tədqiqatlar
- Radiotexnika, radionaviqasiya, radiolokasiya, televiziya sistemləri və qurğuları
- Sistemli analiz, idarəetmə və informasiyanın işlənməsi (sahələr üzrə)
- Təbii mühitə, maddələrə, materiallara və məmulatlara nəzarət cihazları və üsulları
- Daşınma proseslərinin idarə edilməsi
- Naviqasiya və havada hərəkətin idarə edilməsi
- Sahə iqtisadiyyatı
- Konstitusiya hüququ, bələdiyyə hüququ
- Mülki hüquq: sahibkarlıq hüququ; ailə hüququ; beynəlxalq xüsusi hüquq